მსოფლიოს ჩემპიონატის ფინალის მთავარმა მსაჯმა, ნიკოლა რიცოლიმ, გერმანიასა და არგენტინას შორის გამართული შეხვედრის (1:0) შემდეგ კომენტარი გააკეთა. იტალიელი არბიტრი ასეთ მატჩში მონაწილეობით ამაყია.

“მსოფლიოს ჩემპიონატის ფინალში იტალიას წარმოვადგენდი და ამის გამო ძალიან ამაყი ვიყავი.

ძალიან რთული თამაში გამოვიდა, მაგრამ ვთვლი, რომ ჩემს ბრიგადასთან ერთად კარგად ვიმუშავე.

მსოფლიოს ჩემპიონატის ფინალი დიდი წნეხია. ეს წნეხი გონსალო იგუაინის გაუქმებულმა გოლმა შექმნა. გამეორებამ აჩვენა, რომ გადაწყვეტილება სწორი იყო, მაგრამ მან ფეხბურთელების ფსიქოლოგიაზე გავლენა მაინც იქონია.

საბედნიეროდ, საერთაშორისო ასაპრეზზე იტალიელ არბიტრთა დონე საკმაოდ მაღალია. ჩვენ ყოველთვის მაქსიმალურად მკაცრები ვართ, მაგრამ ამასთანავე, ნებისმიერ გადაწყვეტილებას სამართლიანად ვიღებთ.

ამაყი ვარ იმით, რომ ფინალში იტალიურ ფეხბურთს წარმოვადგენდი. მინდა, მიღებული გამოცდილება კოლეგებსა და ოჯახის წევრებს გავუზიარო.” – განაცხადა რიცოლიმ თამაშის შემდეგ.