“მარაკანაზე” გამართული ბელგიისა და რუსეთის მატჩის საუკეთსო მოთამაშედ ბელგიელი ედენ აზარი დაასახელეს, რომელსაც მსოფლიო ჩემპიონატის ერთ-ერთმა ოფიციალურმა სპონსორმა ლუდის მწარმოებელმა ფირმა “ბუდვაიზერმა” სპეციალური პრიზი გადასცა. აზარმა საპრესკონფერენციო დარბაზში ჟურნალისტების შეკითხვებსაც უპასუხა.
-ყოველთვის შენს ტექნიკურობაზე ვსაუბრობთ. ფიზიკურად მომზადებული როგორ ხარ?
-თავს ძალიან კარგად ვგრძნობ. ვცდილობ უფრო კარგად ვიმუშავო.
-თქვენთვის შემდეგ ეტაპზე გასვლა რას ნიშნავს?
-რთული მატჩი იყო. ცხადია, კმაყოფილნი ვართ. ახლა დავისვენებთ და ჯგუფში მესამე თამაშის მოგებას შევეცდებით.
-რით ახსნით, რომ მატჩის ბოლოს ასეთი უპირატესობა მიიღეთ. მანამდე თანაბარი თამაში იყო და რუსეთის დაცვის გადალახვა გიჭირდათ. თუმცა, შეხვედრის მიწურულს მოახერხეთ.
-საერთო ჯამში კარგად არ გვითამაშია და მაღალ დონეზე ბოლო 10 წუთი ჩავატარეთ. შესაძლოა, მეტოქის დაცვა დაიღალა და ამიტომ, უპირატესობა მოვიპოვეთ.

ლაშა თაბაგარიworldsport.ge-ს სპეციალური კორესპონდენტი რიო დე ჟანეიროდან
ავტორის ფოტოები