ევროპის ჩემპიონატის C ჯგუფმა ისეთი შედეგები მოიტანა, რომლის პროგნოზირებაც ძნელი ნამდვილად არ გახლდათ. ჯგუფში პირველი ადგილი მსოფლიოს მოქმედმა ჩემპიონმა გერმანიამ დაიკავა, მე-2 პოზიცია პოლონეთს ერგო, მესამეზე ჩრდილოეთ ირლანდია გავიდა, უკრაინას კი ბოლო ტურის წინ შემდეგ ეტაპზე გავლის თეორიული შანსიც კი დაკარგული ჰქონდა.

ჩრდილოეთ ირლანდიის ნაკრებმა ევროპის ჩემპიონატების ისტორიაში პირველი გამარჯვება იზეიმა და ეს იმ შეხვედრაში მოახერხა, რომელშიც აშკარა აუტსაიდერად მოიაზრებოდა. მაიკლ ო’ნილის შეგირდებმა ჯგუფური ეტაპის საწყის შეხვედრაში პოლონეთთან 0:1 წააგეს, გუშინ კი, უკრაინასთან მაქსიმალურად დაიხარჯნენ და 2:0 იმარჯვეს.

ევროპის ჩემპიონატის C ჯგუფში პირველი ტურის შემდეგ ისეთი ვითარება შეიქმნა, რომ დღეს საღამოს ლიდერები ერთმანეთს შეხვდებიან, მანამდე კი აუტსაიდერთა ჯახია. არასახარბიელო მდგომარეობაში უკრაინა და ჩრდილოეთ ირლანდია არიან, რომელთაც ქულათა გრაფაში ნული უწერიათ, კიდევ ერთი წარუმატებლობა კი მათ იმედებს, ალბათ, საბოლოოდ, დაასამარებს.

ევროპის ჩემპიონატზე პირველად დაფიქსირდა ორბურთიანი სხვაობა, თუმცა არასწორი იქნება იმის თქმა, გერმანიამ უკრაინა იოლად დაამარცხაო. იოაჰიმ ლიოვის გუნდი კლასით აშკარად აღემატებოდა მეტოქეს, რომელმაც რამდენიმე იდეალური შანსიდან ერთიც კი ვერ გამოიყენა. ამაში კი მთავარი დამნაშავე მანუელ ნოიერი იყო.

უკრაინის ნაკრები ისტორიაში ზედიზედ მეორედ ითამაშებს ევროპის ჩემპიონატის ფინალურ ეტაპზე. ოთხი წლის წინ, ეს ქვეყანა თანამასპინძელი იყო, თუმცა ჯგუფური ეტაპი მაინც ვერ დაძლია.