სპორტული ეკიპირებისა და ინვენტარის მწარმოებელი გერმანული კომპანია “პუმა” საკმაოდ ცნობილია და არაერთ სახელოვან კლუბსა თუ ნაკრებსაც მოსავს. მაგალითისთვის, მიმდინარე ევროპის ჩემპიონატზე “პუმას” გამოწყობილია იტალიის ნაკრები, ჩეხეთის ნაკრები, ავსტრიის ნაკრები, სლოვაკეთის ნაკრები და შვეიცარიის ნაკრებიც. სწორედ ამ უკანასკნელის ერთ-ერთმა ლიდერმა გაიხურმა ორიგინალურად საფრანგეთთან მატჩის შემდგომ:

“იმედია, “პუმა” პრეზერვატივების წარმოებას არ დაიწყებს”, - ირონიულად იხუმრა ქსერდან შაქირიმ.

ეს სიტყვები კი იმას მოჰყვა, რომ მიმდინარე ევროფორუმზე შვეიცარიელ ფეხბურთელებს მაისურები მიყოლებით ეხევათ და მერე ახლის ჩაცმა უწევთ... ისე, საინტერესოა, რომ დანარჩენი ქვეყნის ნაკრების ფეხბურთელებს ჯერჯერობით “პუმას” მაისურები უძლებს და იქნებ თვითონ შვეიცარიელ ფეხბურთელებშია პრობლემა? – რას გაიგებ...