ჩეხეთის ეროვნული ნაკრების ნახევარმცველი ტომაშ როსიცკი ევროპის 2016 წლის ჩემპიონატის ჯგუფური ეტაპის ბოლო ტურში თურქეთის ნაკრების წინააღმდეგ ვერ ითამაშებს. Czech Daily-ს ინფორმაციით, ამის მიზეზი ხორვატიასთან შეხვედრაში (2:2) მიღებული ტრავმაა. როგორც აღნიშნულ გამოცემასთან საუბრისას როსიცკიმ აღნიშნა, პარასკევს გამართული შეხვედრის დროს ფეხის ტკივილი აწუხებდა, თუმცა ბოლომდე ითამაშა, რადგან ამ მატჩს მისი გუნდისთვის დიდი მნიშვნელობა ჰქონდა.
“ვიცოდი რამდენად მნიშვნელოვანი იყო ხორვატიასთან თუნდაც ქულის მოპოვება და ყველაფერი გავაკეთე, თუმცა ეს ძვირად დამიჯდა. მჯერა ჩვენი გუნდი თურქეთთან წარმატებით ითამაშებს. სამწუხაროდ, ამ შეხვედრაში მონაწილეობას ვერ მივიღებ” - განაცხადა რისიცკიმ.
ჩეხეთის ნაკრები D ჯგუფში ორი ტურის შემდეგ 1 ქულით მესამე ადგილზე იმყოფება, ლიდერ ესპანეთს 5 ქულით ჩამორჩება, ხოლო ხორვატიას 3 ქულით. ჩეხები აქამდე უქულოდ მყოფ თურქეთის ნაკრებს 21 ივნისს დაუპირისპირდებიან.
კომენტარის გამოქვეყნებისთვის, გთხოვთ გაიაროთ ავტორიზაცია ან რეგისტრაცია