გერმანიის ნაკრების მთავარი მწვრთნელი იოჰაიმ ლიოვი ევროპის ჩემპიონატის ახალ ფორმატს იწუნებს. როგორც მან თქვა, 16 ნაკრებიანი ჩემპიონატის დროს ბევრად დაძაბული და ლამაზი თამაშები იმართებოდა. იქვე, გამოცდილმა სპეციალისტმა იტალიის ნაკრების თამაშიც შეაფასა.

“ჯერ შეფასებების გაკეთება ძალიან ადრეა, მაგრამ იტალიამ ძალიან კარგად დაიწყო. თუმცა, 2006 წელს მათ ცუდად დაიწყეს და ტრიუმფით დაასრულეს და შესაძლოა, ახლა კარგი დასაწყისი მათთვის უფრო ცუდი იყოს.

რა თქმა უნდა, 16-გუნდიანი ფორმატი სჯობდა, ბევრად კარგი ტურნირი იყო. მეოთხედფინალში შესაძლებელი იყო თავიდანვე გერმანია-ჰოლნადია ან იტალია-ესპანეთის თამაში გამართულიყო მაგალითისთვის, ახლა კი, ორი ტურის შემდეგ ერთ ქულიან ნაკრებებსაც აქვთ შემდეგ ეტაპზე გასვლის შანსი”, - განუცხადა ლიოვმა “გაძეტა დელო სპორტს”.

უშუალოდ გერმანიის ნაკრებს რაც შეეხება ორი ტურის მერე ოთხი ქულა აქვს და ბოლო ტურში ჩრდილოეთ ირლანდიის ნაკრებს ეთამაშება და ჯგუფიდან პირველი ადგილით გასასვლელად “ბუნდესნაკრებს” გამარჯვება სჭირდება.