გერმანიის ეროვნული ნაკრების მთავარმა მწვრთნელმა იოახიმ ლიოვმა იტალიასთან მოგებული მეოთხედფინალური მატჩის შემდეგ განაცხადა, რომ დრამატული და ტაქტიკური მატჩი იყო.

"ბოლო დარტყმამდე დრამატული მატჩი იყო. მსგავსი გამოცდილება 2006 წელს არგენტინის წინააღმდეგ უკვე მქონდა. ეს იყო ორივე მაღალი დონის გუნდის მხრიდან ტაქტიკურად კარგად შესრულებული თამაში. იტალია დაცვაში ძლიერია, თუმცა შევძელით შეტევების განხორციელება. პენალტით გოლის გაშვება უიღბლობა იყო. ვერ წარმოვიდგენდი, იტალია თამაშიდან თუ გაიტანდა გოლს.

თერთმეტმეტრიანების შემსრულებლებზე გავლენა არ მომიხდენია. თითოეულმა ფეხბურთელმა თავად გადაწყვიტა დაერტყა თუ არა. როგორც წესია, კარგი შემსრულებლები გვყავს, მაგრამ რატომღაც ასე არ მოხდა. კარგია, როდესაც ახალგაზრდა კიმიხს და ჰექტორს ასეთ ეპიზოდში ნერვება არ უმტყუვნეს." - განაცხადა გერმანელმა სპეციალისტმა.

ბუნდესნაკრები ნახევარფინალურ მატჩში საფრანგეთსა და ისლანდიას შორის გამარჯვებულს დაუპირისპირდება. ტურნირის მასპინძლის და სენსაციურად მოთამაშე ისლანდიის დაპირისპირება 3 ივლისს, თბილისის დროით 23:00 საათზე დაიწყება.