იტალიის ნაკრების თავდმახმელმა გრაციანო პელემ საჯაროდ ბოდიში მოიხადა. როგორც იგი ამბობს ძალიან დამწუხრებულია და თავს ცუდად გრძნობს.

“არ მინდოდა ნოიერის მიმართ უპატივცემულობა გამომეჩინა. უბრალოდ, მსურდა, რომ მომეტყუებინა იგი, რადგან მანამდე ყოველთვის ერთ კუთხეს ირჩევა.

არ მაინტერესებს ის, რომ ამ ჩემპიონატზე კარგად ვითამაშეთ. მხოლოდ დამწუხრებული ვარ და მინდა ბოდიში მოვუხადო ყველას ვინც მიყვარს - მთელ იტალიას, თანაგუნდელებს, მწვრთნელებს, გულშემატკივრებს, ყველას ვისაც სურდა, რომ წარმატებისთვის მიგვეღწია. იტალიის ნაკრების მაისურით ყოველთვის ბოლომდე დავიხარჯები”, - განაცხადა პელემ.

შეგახსენებთ, პელემ გერმანიასთან მატჩისშემდგომ პენალტების სერიაში ვერ ივარგა და თანაგუნდელები დააღალატა. მან, სანამ პენალტს დაარტყამდა მანუელ ნოიერს აჩვენა, რომ ბურთს თავზე გადაუგდებდა, მაგრამ ასე არ მოიქცა და საბოლოოდ, ბურთი კარის ჩარჩოში საერთოდ ვერ მოახვედრა. ისე, გრაციანო პელე იტალიისთვის აწ დასრულებულ ევროფორუმზე გუნდის საუკეთესო ბომბარდირი იყო 2 გოლით.

აღსანიშნავია, რომ კარიერაში პელეს ე.წ. "პანენკა" სამჯერ ჰქონდა შესრულებული და სამჯერვე წარმატებით. როგორც ჩანს, 29 წლის ფორვარდმა იგივეს გაკეთება ასეთი მნიშვნელობის მატჩში ვეღარ გარისკა.