მადრიდის "რეალის" თავდამსხმელმა კრიშტიანუ რონალდუმ პორტუგალიის ეროვნულ ნაკრებში ჩატარებული მატჩების რაოდენობით ლუიშ ფიგუს შედეგი გაიმეორა. 31 წლის ფეხბურთელისთვის ისლანდიასთან ჩატარებული შეხვედრა სანაკრებო კარიერაში 127-ე აღმოჩნდა.
კრიშტიანუს დებიუტი ნაკრებში 2003 წლის 20 აგვისტოს ყაზახეთთან მოგებულ ამხანაგურ მატჩში შედგა. მაშინ რონალდუმ შესვენების შემდეგ, სწორედ ზემოთხსენებული ლუიშ ფიგუ შეცვალა.
ეროვნული გუნდის მაისურით 127 მატჩში რონალდუმ 58 გოლის გატანა შეძლო. პორტუგალიას მომდევნო შეხვედრა ევროპის ჩემპიონატზე 18 ივნისს ავსტრიის წინააღმდეგ ელის, რონალდუს კი ფიგუს შედეგის გაუმჯობესების შანსი აქვს.
კომენტარის გამოქვეყნებისთვის, გთხოვთ გაიაროთ ავტორიზაცია ან რეგისტრაცია