პოლონეთის ნაკრების შემტევმა რობერტ ლევანდოვსკიმ ევრო 2016-ის მეოთხედფინალში პორტუგალიასთან (1:1 პენ. 3:5) დამარცხების შემდეგ კომენტარი გააკეთა. “ძალიან მოწყენილები და დათრგუნულები ვართ, წავაგეთ გუნდთან, რომელიც დიდად არაფრით გვჯობდა. ამ ყველაფრის დავიწყება რთული იქნება. ევრო 2016-ზე პორტუგალიას ძირითად დროში თამაში არ მოუგია და ნაკრები ნახევარფინალშია, ეს საფეხბურთო პარადოქსია. გამარჯვებისთვის ყველაფერი გავაკეთეთ, მაგრამ პენალტენის სერიაში არ გაგვიმართლა”- განაცხადა ლევანდოვსკიმ.