ევროპის 2016 წლის ჩემპიონატი დასრულდა. მისი ფინალური მატჩი კი ისტორიაში რამდენიმე საინტერესო მოვლენით ჩაეწერა. სწორედ ამ მოვლენებისა და ფაქტების შესახებ ვისაუბრებთ ახლა:

10/11 - კრიშტიანუ რონალდუ და პეპე გახდნენ მხოლოდ მეათე და მეთერმეტე ფეხბურთელები, რომლებმაც ჩემპიონთა ლიგის მოგების შემდეგ ევროპის ჩემპიონატის მოგებაც მოახერხეს.

10 - პორტუგალია მეათე ნაკრებია, რომელმაც ევროპის ჩემპიონატი მოიგო – ისტორია.

2 - პორტუგალიის ნაკრებმა ევრო 2016-ზე დამატებით დროში ორჯერ მოიგო თამაში და ორჯერვე გოლები ცვლილებაზე შესულმა ფეხბურთელებმა გაიტანეს – სათადარიგო სკამი.

7 - 1980 წლის შემდეგ რუი პატრისიომ ევროპის ჩემპიონატის ფინალში ყველაზე მეტი სეივი შეასრულა – 7. ზუსტად იგივე მაჩვენებელი ჰქონდა პეტერ შმეიხელს 1992 წლის გადამწყვეტ მატჩში გერმანიასთან.

6 - ევროპის ჩემპიონატების ისტორიაში ფინალურ მატჩში მეექვსედ დაინიშნა დამატებითი დრო. თუმცა, პირველად მოხდა, რომ ძირითად დროში გოლი არ გასულა.

3 - პორტუგალია გახდა პირველი ნაკრები, რომელმაც ერთ ჩემპიონატზე დამატებითი დრო სამჯერ ითამაშა.

59 - პორტუგალია-საფრანგეთის ფინალში ევროპის ჩემპიონატების ისტორიაში (ფინალის მიხედვით) ყველაზე გვიანი გოლი გავიდა. აქამდე ყველაზე ცუდი მაჩვენებელი 1996 წელს ჩეხეთი გერმანიის მატჩში დაფიქსირდა. მაშინ ანგარიში 59-ე წუთზე გაიხსნა.

3668 – კრიშტიანუ რონალდუ მსოფლიოს 2006 წლის ჩემპიონატის მერვედფინალური (ჰოლანდიასთან) მატჩის შემდეგ პირველად შეცვალეს მუნდიალის ან ევროპის ჩემპიონატის ფინალურ ეტაპზე. პორტუგალიელმა ვარსკვლავმა მოედანზე ზედიზედ 3668 წუთი გაატარა.

8 – რონალდუ საფრანგეთთან მატჩში ბურთს მხოლოდ რვაჯერ შეეხო.

2 – კრიშტიანუ რონალდუ გახდა პირველი ფეხბურთელი, რომელმაც ორი ევროპის ჩემპიონატის ფინალი სასტარტო შემადგენლობაში დაიწყო (2004, 2016).

18 – რენატუ სანჩესი ყველაზე ახალგაზრდა ფეხბურთელი გახდა ევროპის ჩემპიონატის ფინალში ვინც ითამაშა – 18 წელი და 326 დღეს. შესაბამისად, იგი ყველაზე ახალგაზრდა ჩემპიონიცაა.

23 - პოლ პოგბა ყველაზე ახალგაზრდა მოთამაშეა, რომელმაც ევროპისა და მსოფლიოს ჩემპიონატების ფინალურ ეტაპზე მინიმუმ 10 თამაში ჩაატარა. პოგბას ანგარიშზე 23 წლის ასაკში 11 მატჩია.