დღეს ევროპის მიმდინარე ჩემპიონატის მეოთხედფინალურ მატჩში ბელგია უელსის ნაკრებს ეთამაშება. “წითელი ეშმაკების” მთავარ მწვრთნელ მარკ ვილმოტსს კი საფიქრალი მოემატა. საქმე ისაა, რომ ბელგიას არამარტო დღევანდელ მატჩში, არამედ მთელ ტურნირზე წამყვანი მარცხენა მცველი იან ვერტონგენი ვერ დაეხმარება.
“ვერტონგენს თავი ძველმა ტრავმამ შეახსენა და იგი მოედანზე 6-8 კვირა ვერ გავა. ეს ჩვენთვის დიდი დანაკლისია, რადგან დღეს არც ტომას ვერმაელენი გვეყოლება დისკვალიფიკაციის გამო”, - თქვა მატჩისწინა პრესკონფერენციაზე ვილმოტსმა.
შეგახსენებთ, ბელგიის ნაკრებს ევროპის ჩემპიონატის დაწყებამდე კაპიტანი ვინსენ კომპანიც ტრავმის გამო დააკლდა და საერთოდ, ამ ნაკრების მთავარ მინუსად სწორედ დაცვის ხაზი მიიჩნევა და ვერტონგენი უდაოდ დიდი დანაკლისი უნდა იყოს.
კომენტარის გამოქვეყნებისთვის, გთხოვთ გაიაროთ ავტორიზაცია ან რეგისტრაცია
Warning: preg_replace(): The /e modifier is no longer supported, use preg_replace_callback instead in /home/admin/domains/worldcup.worldsport.ge/public_html/fblogin2.php on line 222
Deprecated: str_replace(): Passing null to parameter #3 ($subject) of type array|string is deprecated in /home/admin/domains/worldcup.worldsport.ge/public_html/fblogin2.php on line 196