მსოფლიო ჩემპიონატის გახსნითი მატჩის დაწყებამდე 12 საათზე ნაკლები რჩება. სან-პაულუში ბრაზილიის ნაკრები ხორვატიას უნდა დაუპირისპირდეს. ფიფას ოფიციალურმა ვებ-გვერდმა კი ერთი ამ ეტაპზე ნაკლებად საყურადღებო შეცდომა დაუშვა, რომელიც შეიძლება დიდი სკანდალის მიზეზიც გახდეს – სოციალურ ქსელში გავრცელებული ინფორმაციის თანახმად, დღეს, ფიფას ვებ-გვერდზე სულ ცოტა ხნით, ბრაზილიისა და ხორვატიის მატჩის ტექნიკური მონაცემების გასწვრივ დაეწერა, რომ შეხვედრა ფრედ – 2:2 დასრულდა.
შეცდომა სწრაფადვე გაუსწორებიათ, ოღონდ არასრულად. 2:2 კი გაქრა, მაგრამ წარწერის: full time (თამაში დასრულებულია) ჩასწორებას კიდევ რამდენიმე წუთი დასჭირდა.
ამჟამად ფიფას ვებ-გვერდი იუწყება, რომ ბრაზილიისა და ხორვატიის თამაში ადგილობრივი დროით 17 საათზე დაიწყება.
კომენტარის გამოქვეყნებისთვის, გთხოვთ გაიაროთ ავტორიზაცია ან რეგისტრაცია