გაახანგრძლივებს თუ არა გერმანიის ფეხბურთის ფედერაცია მთავარ მწვრთნელ იოხიმ ლიოვთან კონტრაქტს, მსოფლიოს 2014 წლის შემდეგ გაირკვევა. გერმანული მედიის ცნობით, ფედერაციის ხელმძღვანელები მუნდიალზე ნაჩვენების შედეგის მიხედვით იმოქმედებენ.

ლიოვს გერმანელებთან კონტრაქტი 2016 წლის ზაფხულამდე აკავშირებს, მაგრამ თუკი ბუნდესნაკები ბრაზილიაში წარუმატებლად იასპარეზებს, ფედერაცია მწვრთნელთან კონტრაქტს გაწყვეტს.

შეგახსენებთ, რომ ლიოვი გერმანიის ნაკრებს 2006 წლიდან უდგას სათავეში.