BBC-ის ინფორმაციით, ურუგვაის ეროვნული ნაკრების და "ლივერპულის" თავდამსხმელი ლუის სუარესი, ბრაზილიაში გუნდთან ერთად სრული დატვირთვით ვარჯიშობს და მუხლზე პრობლემა არ აქვს.
როგორც მოგეხსენებათ, 22 მაისს, 27 წლის ფეხბურთელმა მენისკის ოპერაცია გაიკეთა და მას შემდეგ ნაკრებთან ერთად სრულად პირველად ივარჯიშა. ოსკარ ტაბარესმა ორი დღის წინ განაცხადა, რომ სუარესი იმ შემთხვევაში ითამაშებს, თუკი ოპტიმალურ ფორმაში იქნება.
სავარაუდოდ, 14 ივნისს ურუგვაის ეროვნული ნაკრების თავკაცი ოსკარ ტაბარესი სუარესს კოსტა რიკის წინააღმდეგ მატჩში დაასვენებს და "ლივერპულის" თავდამსხმელს ინგლისთან და იტალიასთან გასამართ შეხვედრებში ვიხილავთ.
კომენტარის გამოქვეყნებისთვის, გთხოვთ გაიაროთ ავტორიზაცია ან რეგისტრაცია