ხორვატიის ეროვნული ნაკრების ნახევარმცველი ივან რაკიტიჩი, ბრაზილიასთან წაგებული თამაშის (1:3) შემდეგ, მსაჯობით უკმაყოფილო დარჩა. იაპონელი იუიტი ნისიმურას ქმედებებით უკმაყოფილო სხვა პირებისგან განსხვავებით, რაკიტიჩი აქცენტს არა საეჭვო თერთმეტმეტრიანზე, არამედ მოედნიდან ნეიმარის არგაგდებაზე აკეთებს.
მუნდიალის გახსნითი მატჩის 27-ე წუთზე, ნეიმარმა, ლუკა მოდრიჩს, ორთაბრძოლის დროს, სახეში იდაყვი ჩაარტყა. გამეორებამ აჩვენა, რომ ბრაზილიელი ვარსკვლავი მეტოქეს კარგად ხედავდა, მაგრამ იაპონელმა არბიტრმა მას მაინც მხოლოდ ყვითელი ბარათი უჩვენა. მოგვიანებით, ნეიმარმა 2 გოლი გაიტანა და გუნდის გამარჯვებაში დიდი როლი ითამაშა.
“ნეიმარი შესანიშნავი ფეხბურთელია. ის მსოფლიოში ერთ-ერთი საუკეთესოა. თუმცა, მოდრიჩის ეპიზოდში, ის წითელ ბარათს იმსახურებდა. არბიტრს რომ ასეთი გადაწყვეტილება მიეღო, ნეიმარი მოედანს დატოვებდა და ორ გოლს ვეღარ გაიტანდა.” – ციტირებს რაკიტიჩის სიტყვებს Football Espana.
შეგახსენებთ, რომ ნეიმარი და რაკიტიჩი, მომდევნო სეზონში, “ბარსელონაში” ერთად ითამაშებენ.