ინგლისის ეროვნული ნაკრების ნახევარმცველი ჯეიმს მილნერი მსოფლიოს ჩემპიონატს ოპტიმისტურად ხვდება და მიიჩნევს, რომ ინგლისელებს მუნდიალისთვის კარგი გუნდი ჰყავთ.
“პირველი მატჩი ყოველთვის მნიშვნელოვანია. სწორედ ამ თამაშში ყალიბდება გუნდური სული, რომელიც მომავალშიც დაგეხმარება.
შესანიშნავი გუნდი გვყავს. არაერთი ჩვენი თანაგუნდელი, წარმატებული საკლუბო სეზონის შემდეგ, ბრწყინვალე ფორმაშია. ჩვენს გუნდში ერთმანეთს გამოცდილება და ახალგაზრდა ფეხბურთელების მონდომება ერწყმის. ვფიქრობ, ეს ძალიან კარგი ნაზავია.
რა თქმა უნდა, იოლ ჯგუფში არ ვართ, რადგან მუნდიალზე მოთამაშე ყველა ნაკრები მსოფლიოს საუკეთესო გუნდებს შორის შედის. ამის მიუხედავად, ჩვენს გუნდში დარწმუნებული ვარ. ბევრი შეგვიძლია.” – აცხადებს მილნერი, რომლის გუნდიც გახსნით მატჩში იტალიას ხვდება, ხოლო მოგვიანებით ურუგვაისა და კოსტა რიკას დაუპირისპირდება.