ლუის სუარესი მსოფლიოს ჩემპიონატზე ურუგვაის პირველ მატჩში მონაწილეობას არ მიიღებს. ეს გადაწყვეტილება სამხრეთ ამერიკელთა მთავარმა მწვრთნელმა, ოსკარ ტაბარესმა მიიღო.
ბოლო დროს გავრცელებული ინფორმაციის თანახმად, სუარესმა სრული დატვირთვით ვარჯიში დაიწყო, მაგრამ ტაბარესი გარისკვას არ აპირებს და 27 წლის შემტევს 14 ივნისს, კოსტა რიკას წინააღმდეგ არ ათამაშებს.
“სუარესის გამოჯანმრთელების პროცესი ნელ-ნელა მიმდინარეობს. ყველაფერი კარგად მიდის. გუშინ, ლუისმა სრული დატვირთვით ივარჯიშა. ამ მხრივ არანაირი პრობლემა არაა. თუმცა, აშკარაა რომ სუარესი სრული მატჩის ჩასატარებლად მზად არაა.
სჯობს, სუარესმა კოსტა რიკასთან არ ითამაშოს, ვიდრე გავრისკოთ და მან იტალიასთან და ინგლისთან გასამართი თამაშები გამოტოვოს.
ჯერჯერობით, სუარესის გარეშე ვემზადებით. სჯობს სიფრთხილე გამოვიჩინოთ და ფეხბურთელებზე ვიფიქროთ.” – ციტირებს ტაბარესის სიტყვებსGoal-ი.