ჰოლანდიის ეროვნული ნაკრების ესპანეთთან გამარჯვების შემდეგ (5:1), მატჩის საუკეთესო ფეხბურთელად დუბლის ავტორი რობინ ვან პერსი დაასახელეს. “მანჩესტერ იუნაიტედის" თავდამსხმელმა განაცხადა, რომ "ფურია როხასთან" შეხვედრაში "მფრინავმა" ჰოლანდიელებმა წარმოუდგენელ გამარჯვებას მიაღწიეს.
"ჰოლანდიელთა ოცნება რეალობად იქცა და ეს გამარჯვება წარმოუდგენელი იყო. შესანიშნავად ვითამაშეთ, მაგრამ არ უნდა დაგვავიწყდეს, რომ ეს მხოლოდ სამი ქულაა და წინ მატჩები კიდევ გველოდება. როდესაც ანგარიში 3:1 გახდა, ხშირად გუნდი ეშვება, თუმცა ჩვენ ამით არ დავკმაყოფილდით და საბოლოოდ დიდი ანგარიშით მოვიგეთ. რა თქმა უნდა, მწვრთნელის დამსახურება დიდია, მისმა ტაქტიკამ გაამართლა და გულშემატკივრები გავახარეთ." - განაცხადა ვან პერსიმ.
შეგახსენებთ, რომ 44-ე წუთზე, "მანჩესტერის" თავდამსხმელმა ანგარიში გაათანაბრა (1:1), ხოლო 72-ე წუთზე ჰოლანდიელთა უპირატესობა სამ ბურთამდე გაზარდა.