ინგლისის ნაკრების ყოფილ მთავარ მწვრთნელს, სვენ-გორან ერიკსონს ეჭვი ეპარება, რომ როი ჰოჯსონის გუნდს ბრაზილიაში მიმდინარე მსოფლიოს ჩემპიონატის მოგება შეუძლია.
“არ მჯერა, რომ ამ ეტაპზე, ინგლისის ნაკრებს მსოფლიოს ჩემპიონატის მოგება შეუძლია. 1/4-ფინალში გასვლა კარგი შედეგი იქნება.
რა თქმა უნდა, ვისურვებდი, რომ ახლა ინგლისის ნაკრებთან ერთად ვიყო, რადგან საქმე მსოფლიოს ჩემპიონატს ეხება. 2006 წელს მიღებული გამოცდილება ძალიან მომეწონა. შესანიშნავი იყო.
მიმაჩნია, რომ იმ დროს, ინგლისზე ძლიერი ნაკრები არცერთი არ იყო. მაშინ, თერთმეტმეტრიანების სერიაში წავაგეთ, მაგრამ ეჭვი მეპარება, რომ ვინმე გვჯობდა.” – აცხადებს ერიკსონი, რომელიც ინგლისის ეროვნულ გუნდს სათავეში 2001-2006 წლებში ედგა.