ბრაზილიის ნაკრების თავდამსხმელი ფრედი არ ეთანხმება საყოველთაო მოსაზრებას, რომლის თანახმდაც ხორვატიასთან გამართულ მატჩში არბიტრს თერთმეტმეტრიანი არ უნდა დაენიშნა.
ბრაზილიასა და ხორვატიას შორის გამართულ შეხვედრაში, როდესაც ანგარიში 1:1 იყო, ფრედი საჯარიმოში წაიქცა, ხოლო იაპონელმა არბიტრმა, იუიტი ნისიმურამ თერთმეტმეტრიანი დანიშნა. აზიელი მსაჯის ქმედებამ საყოველთაო უკმაყოფილება გამოიწვია, მაგრამ ფრედის თქმით, მის წინააღმდეგ წესები დაირღვა.
“თერთმეტმეტრიანი ნამდვილად იყო. ნაკლებად და მეტად აშკარა დარღვევა არ არსებობს. ბურთი მე მქონდა, მარცხნივ ვბრუნდებოდი და ამ დროს, მხარში დარტყმა მივიღე. ამის შემდეგ წონასწორობა დავკარგე, ბურთს ვეღარ მივწვდი და დავეცი. იმ ფეხბურთელებს არ მივეკუთვნები, რომლებიც სიმულაციას მიმართავენ.
არაერთი ადამიანის აზრით, თერთმეტმეტრიანი არ უნდა დანიშნულიყო, მაგრამ მხარში დარტყმა საკმარისი იყო იმისათვის, რომ ბურთი დამეკარგა და ვერ დამერტყა.” – ციტირებს ფრედის სიტყვებსSky Sports-ი.