ესპანეთისა და ჰოლანდიის ნაკრებთა მატჩის შემდეგ, ლეგენდარულმა დიეგო მარადონამ “ფურია როხას” მეკარე იკარ კასილიასი გააკრიტიკა. არგენტინელის თქმით, ჟოზე მოურინიო სწორად მოიქცა, როცა კასილიასს მადრიდის “რეალის” სათადარიგოთა სკამზე მიუჩინა ადგილი.
“ისეთი ცუდი მატჩი, როგორიც კასილიასმა ჰოლანდიასთან ჩაატარა, არასდროს მინახავს. მაშინვე გამახსენდა, რა თქვა ჩემმა მეგობარმა ჟოზე მოურინიომ. ჟოზეს თქმით, კასილიასი “რეალისთვის” შესაფერისი მეკარე არაა. მოურინიოს მადრიდული კარიერაც ამ პოზიციას შეეწირა. მას “რეალი” დაატოვებინეს, მაგრამ აღმოჩნდა, რომ მართალი იყო”, - განუცხადა მარადონამ ესპანურ მედიას.
შეგახსენებთ, რომ მსოფლიოს 2014 წლის ჯგუფური ეტაპის პირველი ტურის მატჩში, ჰოლანდიის ნაკრებმა კასილიასის ესპანეთს 5:1 სძლია.