ინგლისის ეროვნული ნაკრების მთავარმა მწვრთნელმა როი ჰოჯსონმა იტალიასთან დამარცხების შემდეგ (1:2) პრესკონფერენციაზე განაცხადა, რომ მის გუნდს უკანდასახევი გზა არ აქვს.
"ჯგუფურ ეტაპზე თუ პირველ მატჩს წააგებ, დანარჩენი ორი აუცილებლად უნდა მოიგო. წაგების მიუხედავად კარგი შეხვედრა ჩავატარეთ და პროგრესი ნამდვულად შეგვიძლია. მართალია, ფეხბურთელებმა ინდივიდუალურად უფრო კარგად ითამაშეს, თუმცა შედეგის მისაღწევად საკმარისი სათამაშო ხარისხი არ გვეყო. თავს ვიმშვიდებ, რადგან ძლიერი გუნდი გვყავს და შემდეგ მატჩებში ეს აუცილებლად უნდა დავამტკიცოთ." _ განაცხადა ჰოჯსონმა.
D ჯგუფის მეორე ტურის მატჩში, ერთმანეთის პირისპირ ურუგვაის და ინგლისის ნაკრებები წარსდგებიან და ორივე გუნდისთვის მომდევნო შეხვედრის მოგება ჯგუფური ეტაპის დაძლევისთვის მნიშვნელოვანია.