ურუგვაის ნაკრების თავდამსხმელი დიეგო ფორლანი მიიჩნევს, რომ მის გუნდს, მსოფლიოს ჩემპიონატის პირველ თამაშში წაგების მიუხედავად, ჯგუფიდან გასვლის შანსი აქვს.
ურუგვაიმ, პირველი ტურის მატჩში, კოსტა რიკასთან სენსაციურად წააგო (1:3). მოგვიანებით, იტალიამ ინგლისს 2:1 მოუგო და სამხრეთ ამერიკელები ჯგუფის ბოლო ადგილზე აღმოჩნდნენ.
“მსგავს სიტუაციაში აქამდეც ვყოფილვართ. ვერ ვხედავ მიზეზს, რომლის გამოც არსებულ პრობლემას ვერ უნდა გავუმკლავდეთ. ეს ფეხბურთია და ნებისმიერი რამ შეიძლება მოხდეს.
წინ კიდევ 2 თამაში გველის და შევეცდებით ასპროცენტიანი შედეგი ვაჩვენოთ. საკუთარ შეცდომებზე მუშაობა მოგვიწევს, მაგრამ ჯგუფიდან გასვლის შანსი კვლავ გვაქვს.” – აცხადებს ფორლანი.