ფერნანდო ტორესმა განაცხადა, რომ ესპანეთის ნაკრები ახლა უფრო ძლიერია, ვიდრე 2010 წლის მსოფლიოს ჩემპიონატზე იყო. და ეს ჰოლანდიასთან 1:5 მარცხის შემდეგ:
“ასაკის მომატებასთან ერთად, გუნდი უფრო სანახაობრივი ხდება. ასე რომ, ვერ ვიტყოდი, თითქოს დავსუსტდით. პირიქით, 4 წლის წინანდელთან შედარებით უფრო ძლიერები ვართ. ჩვენი ტაქტიკის შეცვლის საფუძველი არ არსებობს. სამხრეთ აფრიკაშიც წავაგეთ პირველი მატჩი, მაგრამ არაფერი შეგვიცვლია და საბოლოოდ მსოფლიოს ჩემპიონები გავხდით. ჰოლანდიასთან შეხვედრაში მთელ გუნდს ჰქონდა პრობლემა და ცალკეულ ფეხბურთელებს არ უნდა დავაბრალოთ. ახლა მთავარია, ჩილესთან მატჩის წინ მოგვარდეს პრობლემები. ჩილეც დაახლოებით იმ სისტემით თამაშობს, როგორც ჰოლანდია”.