პორტუგალიის ნაკრების მცველი ფაბიუ კოენტრაუ გერმანიასთან მატჩში (0:4) მიღებული ტრავმის გამო დაახლოებით 10 დღე ვერ ივარჯიშებს. AS-ის ცნობით, ფეხბურთელს უკვე სრულყოფილი სამედიცინო გამოკვლევა ჩაუტარდა და მყესის დაზიანება დაუდგინდა.
უკვე კოენტრაუს ოფიციალური კომენტარიც გავრცელდა. მადრიდის “რეალის” უკანახაზელი პესიმისტურადაა განწყობილი.
“გულწრფელად გეტყვით, ვფიქრობ, რომ ჩემთვის მსოფლიოს ჩემპიონატი დასრულებულია. გული მწყდება, მაგრამ ეს ფეხბურთია და ტრავმისგან არავინაა დაზღვეული” - განაცხადა ფაბიუ კოენტრაუმ.
პორტუგალიის ნაკრები ჯგუფური ეტაპის მეორე შეხვედრას 23 ივნისს ჩაატარებს, ამერიკის შეერთებული შტატების წინააღმდეგ და ეს მატჩი გადაწყვეტს, შეძლებს თუ ვერა მერვედფინალის საგზურისთვის ბრძოლის გაგრძელებას. 26 ივნისს კი დასავლეთპირენელთა ნაკრები განას დაუპირისპირდება.