განის ეროვნული ნაკრების მთავარმა მწვრთნელმა ჯეიმს კვეზი აპიამ მატჩისშემდგომ პრესკონფერენციაზე განაცხადა, რომ დემპსის მიერ გატანილი გოლი, მისი გუნდისთვის კატასტროფა იყო.
"უიღბლო გოლი გავუშვით და ეს კატასტროფის ტოლფასი იყო. არ შეიძლება მნიშვნელოვან მატჩებში კონცენტრაციის დაკარგვა. რა შემიძლია ვთქვა, კარგი თამაში გამოვიდა, ბევრი შანსიც გვქონდა, თუმცა ასეთ მატჩებში მეტოქე პატარა შეცდომასაც არ გაპატიებს", - განაცხადა განელთა თავკაცმა.
შეგახსენებთ, რომ აშშ-ს ნაკრები 29-ე წამზე დემპსის გოლით დაწინაურდა, 82-ე წუთზე აიუმ წონასწორობა აღადგინა, თუმცა ბრუკსიმ 86-ე წუთზე ამერიკელებს სამი ქულა მოუტანა. აღსანიშნავია, რომ განამ მთელი მატჩის განმავლობაში 456 გადაცემა შეასრულა, ხოლო აშშ-მ - 276.