გერმანიის ეროვნული ნაკრების მთავარი მწვრთნელი იოახიმ ლიოვი პორტუგალიასთან მოგებული მატჩის შემდეგ (4:0), საკუთარი ფეხბურთელებით აღტაცებული იყო.
"შესანიშნავი მატჩი გამოვიდა და ჩემი ფეხბურთელები კარგად გაისარჯნენ. ჩვენ 4 გოლი გავიტანეთ დაახლოებით 6 რეალური შანსიდან. ჩემმა გუნდმა კარგად ითამაშა და პორტუგალიელებს შანსის გამოყენების უფლება არ მისცა. მნიშვნელოვანია, რომ პირველივე შეხვედრაში ასეთ მაღალ დონეზე ვითამაშეთ. ყველაზე მნიშვნელოვანი კი მაინც რონალდუს ჩაკეტვა იყო" - განაცხადა გერმანელთა თავკაცმა.
შეგახსენებთ, რომ გერმანიის ეროვნულ ნაკრებს მომდევნო მატჩი განის წინააღმდეგ 21 ივნისს ელოდება. შეხვედრა თბილისის დროით 23:00 საათზე დაიწყება.