მექსიკის ნაკრების მეკარე გილერმო ოჩოა, რომელმაც წუხელ მსოფლიო ჩემპიონატის A ჯგუფის მეორე ტურის მატჩში, ბრაზილიის წინააღმდეგ რამდენიმე ძნელი ბურთი მოიგერია, ამბობს, რომ ეს ფრე მექსიკელებმა დაიმსახურეს.
“ძალიან რთული მატჩი გამოდგა და ბევრი სამუშაო გვქონდა. ბრაზილიელებს მრავალრიცხოვანი გულშემატკივრები ომახიანად უჭერდნენ მხარს და ეს უფრო გვირთულებდა მდგომარეობას. დაცვაში ფრიადზე ვითამაშეთ და ფრე დავიმსახურეთ. ჩემთვის ეს ცხოვრების მატჩია, რამდენჯერმე რთული ბურთი მოვიგერიე და საბოლოოდ ბრაზილიისგან არ გავუშვი. ეს უბრალოდ ჩინებულია. ყველაზე რთული რომელი ეპიზოდი იყო? როცა პირველ ტაიმში ნეიმარი თავით ურტყამდა ახლოდან.”- უთხრა ოჩოამ Goal.com-ს.