მსოფლიოს ჩემპიონატის პირველი ტურის 16 მატჩში 49 გოლი გავიდა, რაც ძალიან მაღალი შედეგიანობაა – საშუალოდ 3 გოლზე მეტი ერთ შეხვედრაში. როგორც წესი, მუნდიალზე მეორე და მესამე ტურები უფრო შედეგიანია და დაველოდოთ. ის, რომ გოლები უხვად გადის, კარგია და ეს იმას ნიშნავს, რომ გუნდების უმეტესობა უფრო შეტევაზე აკეთებს აქცენტს.
აქვე, მუნდიალის პირველი ტურის სიმბოლური ნაკრები “მსოფლიო სპორტის” ვერსიით:
სალვატორე სირიგუ (იტალია) – სერჟ ორიე (კოტ დივუარი), მატს ჰუმელსი (გერმანია), რაფაელ მარკესი (მექსიკა), დელი ბლინდი (ჰოლანდია) – ანდრეა პირლო (იტალია), ვესლი სნეიდერი (ჰოლანდია), ხამეს როდრიგესი (კოლუმბია) – არიენ რობენი (ჰოლანდია), რობინ ვან პერსი (ჰოლანდია), ტომას მიულერი (გერმანია).
საუკეთესო ფეხბურთელი:არიენ რობენი (ჰოლანდია).
საუკეთესო მწვრთნელი:ლუის ვან გაალი (ჰოლანდია).
საუკეთესო გოლი:რობინ ვან პერსი (ესპანეთი-ჰოლანდია, 44-ე წუთზე თავით).
აღმოჩენა ნაკრები:კოსტა-რიკა.
აღმოჩენა ფეხბურთელი:ხოელ კემპბელი (კოსტა-რიკა).