ლეგენდარულმა დიეგო მარადონამ განაცხადა, რომ ესპანელების ჩილესთან წაგება (0:2) ვისენტე დელ ბოსკეს ბრალია: “დელ ბოსკემ ჰოლანდიასთან კატასტროფული წაგების შემდეგ (1:5) ვერ შეძლო ფეხბურთელების ტვინების გასუფთავება ნეგატივისგან. იკერ კასილიასს არ უნდა ეთამაშა. ეს უკვე მწვრთნელის შეცდომაა. წინა მატჩში კასილიასმა თავდაჯერება დაკარგა. ახლა კარში იდგა და დარწმუნებული არ იყო საკუთარ ქმედებებში. ეს მის პარტნიორებსაც გადაეცემოდა,” – უთხრა მარადონამ A Bola-ს.
შეგახსენებთ, რომ წუხელ ესპანელებმა ჯგუფის მეორე მატჩიც წააგეს, ამჯერად ჩილესთან და მსოფლიო ჩემპიონატს ნაადრევად დაემშვიდობნენ.