ესპანელებთან ისტორიული გამარჯვების შემდეგ (2:0) ჩილეს ნაკრების თავდამსხმელმა, ალექსის სანჩესმა განაცხადა, რომ მათ არავისი ეშინიათ და მომავალშიც თავდაჯერებულები იქნებიან: “ვერ გეტყვით, მოულოდნელი იყო თუ არა ეს გამარჯვება. უბრალოდ გავედით მინდორზე და კარგად ვითამაშეთ, - უთხრა სანჩესმა Sky Sports Italia-ს, - შემდეგი მატჩი ჰოლანდიასთან გვაქვს. მათ ძლიერი გუნდი ჰყავთ, მაგრამ ჩვენ არავისი გვეშინია. ამიტომ საკუთარი სტილით ვითამაშებთ და ვეცდებით მაქსიმალური ქულები მოვიპოვოთ.”
მისი “იუვენტუსში” შესაძლო გადასვლის შესახებ კი სანჩესმა თქვა: ჯერ მთავარია მსოფლიო ჩემპიონატზე წარმატებით გამოვიდეთ და საკლუბო კარიერაზე შემდეგ ვიფიქრებო.