ამერიკის შეერთებული შტატების ეროვნული გუნდის დამრიგებელი იურგენ კლინსმანი პორტუგალიასთან 3 ქულის აღებას გეგმავს.
პირველ ტურში, აშშ-მ განა 2:1 დაამარცხა, ხოლო პორტუგალია გერმანიასთან 0:4 განადგურდა. თუ ამერიკელებმა პორტუგალიელები მე-2 ტურში დაამარცხეს, ხოლო გერმანიამ განას სძლია, მოგებული გუნდები 1/8-ფინალში გავლენ. მოვლენების ამგვარად განვითარება გამორიცხული არაა იმის გათვალისწინებით, რომ პორტუგალიელებს პეპე, ფაბიუ კოენტრაუ, უგო ალმეიდა და რუი პატრისიუ არ ეყოლებათ. ამას ისიც ემატება, რომ კრიშტიანუ რონალდუს ტრავმა ბოლომდე ჯერ არ მოურჩენია.
“ახლა გუნდთან ერთად პორტუგალიასთან მხოლოდ მოგების ვარიანტს განვიხილავ. ჩვენი მიზანი გამარჯვებაა და გვჯერა, რომ ამერიკას პორტუგალიის დამარცხება შეუძლია. ჩვენი გუნდი 1/8-ფინალს უმიზნებს და თუ ამისთვის მომდევნო მეტოქესთან მოგებაა საჭირო, ამის გაკეთებას შევეცდებით.” – აცხადებს იურგენ კლინსმანი.