იტალიის ეროვნული ნაკრების მთავარმა მწვრთნელმა ჩეზარე პრანდელიმ, რესიფეში, სტადიონ "პერნამბუკოზე", კოსტა რიკასთან გასამართ შეხვედრამდე სიცხის თემა კვლავ წამოჭრა. იტალიელი სპეციალისტი მატჩის განმავლობაში მცირეხნიან შესვენებებს იმედოვნებს.
"სტადიონი მშვენიერ მდგომარეობაშია და თუ არსებულ სიცხეს არ ჩავთვლით, ჩვენ მზადყოფნაში ვართ. ბოდიში ვერ გვიშველის, კლიმატი კი არ მოგვაყენებს ზიანს, არამედ ის გუნდი, რომელსაც დავუპირისპირდებით. სხვანაირად რომ ვთქვა, ამერიკის კონტინენტის ნაკრებებმა უფრო იციან სიცხეში თამაში, ვიდრე ევროპელებმა. მატჩის დროს ტემპერატურა მაღალი იქნება და შეხვედრის დროს ფეხბურთელებს წყლის საშუალებით ამოსუნთქვის შესაძლებლობას თუ მისცემენ, კარგი იქნება." - აღნიშნა პრანდელიმ.
შეგახსენებთ, რომ ინგლისის და იტალიის ნაკრებების დაპირისპირების შემდეგ, პრანდელიმ ფიფა აღნიშნული პრობლემის გამო უკვე გააკრიტიკა. იტალიის და კოსტა რიკის მატჩი ადგილობრივი დროით 13:00 საათზე დაიწყება.