პორტუგალიის ნაკრების ნახევარმცველი მიგელ ველოზუ დარწმუნებულია, რომ მისი გუნდის ლიდერი კრიშტიანუ რონალდუ სრულადაა გამოჯანმრთელებელი და ის აშშ-ს წინააღმდეგ ითამაშებს.
გერმანიასთან გამართულ შეხვედრაში (0:4) რონალდუ უჩვეულოდ პასიური იყო. ივარაუდება, რომ ის, მუხლის ტრავმის შემდეგ, ბოლომდე გამოჯანმრთელებული არაა. ამას ისიც დაემატა, რომ მსოფლიოს საუკეთესო ფეხბურთელმა ერთ-ერთი ბოლო ვარჯიში ვერ ჩაამთავრა.
“ექიმი არ ვარ, მაგრამ როგორც ვხედავ, რონალდუს ყველაფერი რიგზე აქვს. ის ვარჯიშობს და კარში დარტყმასაც ახერხებს. მეტი სათქმელი არაფერია.” – ციტირებს ველოზუს სიტყვებსGoal-ი.