იტალიის ეროვნული ნაკრების თავკაც ჩეზარე პრანდელის მიაჩნია, რომ მისი გუნდი კოსტა რიკასთან მსოფლიოს ჩემპიონატის ჯგუფური ეტაპის მეორე ტურის მატჩში მარცხს (0:1) იმსახურებდა.
“ეს იყო მატჩი, სადაც კოსტა რიკა გაცილებით აგრესიული იყო და უკეთ თამაშობდა. ვიცოდით, რომ ჯგუფის გადამწყვეტი მატჩი ურუგვაისთან გველოდა. კოსტა რიკასთან ერთი ბურთი მაინც რომ გაგვეტანა, შესაძლოა, თამაში სხვანაირად წასულიყო. მარცხი დავიმსახურეთ. ჩვენი გეგმა გვქონდა, მაგრამ მეტოქემ გვაჯობა.
ურუგვაისთან მატჩს არ ვუფრთხით. ენერგია უნდა აღვიდგინოთ და ჯგუფის უკანასკნელ მატჩზე სრული კონცენტრაცია მოვახდინოთ”, - განუცხადა პრანდელიმ იტალიურ მედიას.