რიო დე ჟანეიროში სასტუმროებს “ცეცხლი უკიდია” და ჩამოსულები საცხოვრებლის პრობლემის გადაჭრას სხვადასხვაგვარად ცდილობენ. სამხრეთამერიკელებმა, კერძოდ კი, არგენტინელებმა და ჩილელებმა ეს პრობლემა მარტივად გადაჭრეს. მათ “ბანაკი” პირდაპირ ოკეანესთან დასცეს. ამ ქვეყნის გულშემატკივრები, ზოგი საკუთარი ავტომანქანითაა ჩამოსული, ზოგი მიკროავტობუსით, სხვები ავტობუსებით და პირდაპირ “კოპაკაბანას” პლაჟთან ცხოვრობენ.
ისე, წყალი გინდა ხელ-პირის და არა მარტო, დასაბანად, წინ ამხელა ოკეანეა. სანაპიროს გასწვრივ საპირფარეშოები საკმარისადაა. თუ ფული გაქვს, არც მშიერი დარჩები იმდენი კაფე-ბარია, ქოქოსიც შეგიძლია პირდაპირ პალმიდან მოწყვიტო. ჰოდა, აიწყო ამ ხალმაც ცხოვრება. თუ დილას ვარჯიში გინდა, ფეხბურთის, ფრენბურთის ან “გრეჰეთბოლის” თამაში პრობლემაა არაა. თუ ძალიან მოინდომებ სერფინგითაც გაცურავ. მოკლედ, არგენტინელებმა და ჩილელებმა ბლომად ფული დაზოგეს.
ისე ფეხბურთი და შენი ქვეყნის ეროვნული გუნდი როგორ უნდა გიყვარდეს, რომ სხვა ქვეყანაში საქომაგოდ ჩასულმა ასეთ პირობებში იცხოვრო. არგენტინელებს და ჩილელებს, ერთიც რომ უყვართ და მეორეც, ამაში “მარაკანაზე” პირადად დავრწმუნდი.


ლაშა თაბაგარი worldsport.ge-ს სპეციალური კორესპონდენტი რიო დე ჟანეიროდან
ავტორის ფოტოები