კოლუმბიის ეროვნული ნაკრების მეკარე ფარიდ მონდრაგონი დღეს 43 წლის გახდა. ის ყველაზე ასაკოვანი ფეხბურთელია წლევანდელ მსოფლიოს ჩემპიონატზე, თუმცა თამაში არ უწევს – ძირითადში დავიდ ოსპინა დგას. თუმცა, თუ მონდრაგონს ენდობიან, გახდება ყველა დროის ყველაზე ასაკოვანი ფეხბურთელი, რომელსაც მუნდიალზე უთამაშია. არაა გამორიცხული, იაპონიასთან ჯგუფის ბოლო ტურის მატჩში დააყენონ კიდეც.
სხვათა შორის, მონდრაგონი ჯერ კიდევ 1994 წელს გახლდათ კოლუმბიის ნაკრების სამუნდიალო განაცხადში.
ყველაზე ასაკოვანი ფეხბურთელი, ვისაც მუნდიალზე უთამაშია, ცნობილი კამერუნელი როჟე მილაა. ის 42 წლისა გახლდათ 1994 წელს გამართულ მუნდიალზე, სადაც გოლიც გაიტანა (რუსეთის კარში).