არგენტინის ეროვნული ნაკრების და “მანჩესტერ სიტის" თავდამსხმელი სერხიო აგუერო ირანის ნაკრებთან დაპირისპირებამდე აცხადებს, რომ სამხრეთამერიკელები ირანთან შეხვედრაში თამაშს კიდევ უფრო გააუმჯობესებენ. აგუერომ აღნიშნა, რომ ლიონელ მესი წინა მუნდიალისგან განსხვავებით, "ალბისელესტეს" უფრო მეტ წარმატებას მოუტანს.
"ხალხი ძალიან ბევრს ლაპარაკოს, თუ რას მიაღწევს არგენტინა და რამდენ გოლს გაიტანს მესი. ლიონელი, წინა მუნდიალისგან განსხვავებით, უფრო შედეგიანი იქნება და მას შეუძლია გადამწყვეტ მომენტებში არგენტინას წარმატება მოუტანოს. ამ ტურნირზე მესი ფანტასტიკურად გამოიყურება და ეს პირველ მატჩშიც დაამტკიცა. კრიტიკა ყოველთვის თანმდევია, ჩვენ ვიცით წარმატებისთვის რისი გაკეთებაა საჭირო. რა თქმა უნდა, შეგვიძლია უკეთესად ვითამაშოთ და სწორედ ამისკენ მივიწევთ." - განაცხადა აგუერომ.
არგენტინის და ირანის ეროვნული ნაკრებების დაპირისპირება დღეს, თბილისის დროით 20:00 საათზე დაიწყება.