ალესანდრო დელ პიერომ განაცხადა, რომ 2006 წლის მუნდიალის ჯგუფის მეორე ტურის შემდეგ, იტალიას ისეთივე მდგომარეობა ჰქონდა, როგორც ახლა აქვს. შეგახსენებთ, ჩეზარე პრანდელის გუნდს ბოლო ტურში ურუგვაისთან ფრეც ხელს აძლევს, რათა ჯგუფიდან გავიდეს.
“2006 წელსაც, მეორე მატჩი აშშ-სთან ფრედ ვითამაშეთ და ბოლო ტურში ჩეხეთთან არ უნდა წაგვეგო. 2:0 ვიმარჯვეთ და ჯგუფიდან გავედით, საბოლოოდ კი ტრიუმფით დავასრულეთ ტურნირი. შევატყვე, რომ იტალიას ყოველთვის უჭირს მეორე მატჩში. 2006 წელს, როცა პირველი შეხვედრა მოვიგეთ, მარჩელო ლიპიმ გვითხრა: “არაა საჭირო ზედმეტი ოპტიმიზმი”. ხოლო ამერიკელებთან ვერმოგების შემდეგ, ლიპიმ გვირჩია: “არაა საჭირო ზედმეტი პესიმიზმი”. მაქვს იმედი, რომ ჩეზარე პრანდელიც ასე მიუდგება საქმეს და ის პრობლემები, რაც კოსტარიკელებთან გამოჩნდა, გაქრება. იტალიის ნაკრების ყველა ფეხბურთელს ვერ ჰქონდა სათანადო კონცენტრაცია. სიცხეც, ჩვენზე უფრო მოქმედებდა, ვიდრე მეტოქეზე. რაც მთავარია, მომენტები უნდა გამოვიყენოთ. მარიო ბალოტელის ჰქონდა შანსები, მაგრამ, სამწუხაროდ, ვერ გაიტანა”.