მას შემდეგ, რაც კოსტა რიკის ეროვნულმა ნაკრებმა მუნდიალზე “სიკვდილის” D ჯგუფში ერთი ტურით ადრე მერვედფინალის საგზური დაიბევა, კონკაკაფის წარმომადგენლის ფეხბურთელებზე მოთხოვნა გაიზრდება.
უკვე ცნობილია, რომ ლონდონის "არსენალის" საკუთრებაში მყოფი ფეხბურთელი ჟოელ კემპბელი, მუნდიალის შემდეგ "მეთოფეთა" რიგებს დაუბრუნდება. კოსტა რიკელმა შემტევმა გასული სეზონი პირეოსის "ოლიმპიაკოსში" გაატარა და საკმაოდ შედეგიანადაც _ 43 მატჩი, 11 გოლი, 12 საგოლე გადაცემა.
21 წლის ფეხბურთელმა მიმდინარე მსოფლიოს ჩემპიონატზე საკუთარ ნაკრებს ურუგვაის წინააღმდეგ დიდი სამსახური გაუწია. 54-ე წუთზე ანგარიში გაათანაბრა (1:1), ხოლო 84-ე წუთზე ურენიას საბოლოო ანგარიში დააფიქსირებინა (3:1).
როგორც ცნობილი ხდება, პრემიერლიგის კლუბები თვალყურს ადევნებენ "ლევანტეს" მეკარე კეილორ ნავასს და დანიის "კოპენჰაგენის" ნახევარმცველ კრისტიან ბოლანიოსს.