გერმანიის და განის ეროვნული ნაკრებების დაპირისპირებაში მიროსლავ კლოზემ მუნდიალებზე მე-15 გოლი გაიტანა და ბრაზილიელი რონალდუს რეკორდი გაიმეორა.
აღნიშნულ დაპირისპირებაში მხოლოდ ეს ფაქტი არ დაფიქსირებულა. 63-ე წუთზე ასამოა გიანი მუნტარის გადაცემით ნოიერთან პირისპირ დარჩა და მსოფლიო ჩემპიონატებზე მეხუთე გოლი გაიტანა. ამ მაჩვენებლით, განელმა ფეხბურთელმა ლეგენდარული კამერუნელი თავდამსხმელის როჟე მილას რეკორდი გაიმეორა. აფრიკელ ფეხბურთელთაგან, აქამდე ყველაზე მეტი გოლი, სწორედ მილას ჰქონდა გატანილი.
აღსანიშნავია, რომ მილამ 5 გოლი 1990 და 1994 წლების მსოფლიო ჩემპიონატებზე გაიტანა, ხოლო ასამოა გიანს რეკორდის გასამეორებლად მესამე მუნდიალზე ასპარეზობა დასჭირდა. განას მომდევნო მატჩი პორტუგალიის წინააღმდეგ დარჩა და შესაძლოა, ასამოა გიანი მსოფლიო ჩემპიონატებზე, აფრიკელთაგან საუკეთესო ბომბარდირი გახდეს.