გერმანიის ეროვნული ნაკრების მთავარმა მწვრთნელმა იოაჰიმ ლიოვმა განასთან ფრედ დასრულებული (2:2) შეხვედრის შემდეგ გამართულ პრესკონფერენციაზე აღიარა, რომ მეტოქემ მისი გეგმები ჩაშალა.
“ეს იყო ურთულესი თამაში ყველასათვის და ფეხბურთელები ენერგიაგამოცლილი არიან. პირველ ტაიმში ტაქტიკური ბრძოლა მიმდინარეობდა, მეორე ნახევარში კი, ტემპმა იმატა. გვსურდა, რომ გახსნილი თამაში თავიდან აგვერიდებინა. გოლის გატანის შემდეგ, კომპაქტურად თამაშს ვგეგმავდით, მაგრამ განამ ორი გოლი არაფრისგან გაგვიტანა. ვცდილობდით, რომ მეტოქის მცველები ზევით ამოგვეწია, მაგრამ განელები ყოველთვის ახერხებდნენ უკან დაბრუნებას. ვფიქრობ, ბასტიან შვაინშტაიგერმა და მიროსლავ კლოზემ თამაშში ახალი სიცოცხლე შეიტანეს, რადგან ამ სიცხეში სამი ხედირა და მარიო გიოტცე უკიდურესად გადაიღალნენ. კარგია მირომ გოლი რომ გაიტანა. ტურნირზე გაუთავებელ შეტევებს არ უნდა ველოდოთ. ასეთ კლიმატურ პირობებში მყარი დაცვა მომგებიანია. ახლა ველოდებით პორტუგალიისა და აშშ-ს მატჩს. ჯერჯერობით ჩვენი მდგომარეობა არ შეცვლილა და პირველი ადგილის შენარჩუნება გვინდა” - განუცხადა ლიოვმა ფიფა-ს ოფიციალურ საიტს.