ამერიკის შეერთებული შტატების მთავარი მწვრთნელი იურგენ კლინსმანი, პორტუგალიის წინააღმდეგ ფრედ ნაჩვენები შედეგით (2:2) უკმაყოფილოა. მომდევნო დაპირისპირება აშშ-ის გერმანიის წინააღმდეგ აქვს, კლინსმანი კი აცხადებს, რომ ლიოვთან მეგობრობას 90 წუთის განმავლობაში დაივიწყებს.
"რა უნდა ვთქვა განვლილ თამაშზე, ცოტა გვაკლდა მოგებამდე და შეხვედრა ფრედ დავასრულეთ. ყველამ ნახა, ჩვენ ყოველ თამაშს მთელი გულით ვეკიდებით და მოსაგებად ყველაფერს ვაკეთებთ. ჩვენ წავალთ რესიფეში და შევეცდებით გერმანია დავამარცხოთ - ეს ჩვენი მიზანია. სხვა გამოსავალი არ გვაქვს. ლიოვი თავის გუნდში კარგად მუშაობს და კარგი მეგობრებიც ვართ, თუმცა მერვედფინალში გასასვლელად მომდევნო შეხვედრაში მეგობრობის დრო ნამდვილად არაა. ამ ეტაპზე სხვა გუნდის შედეგზე არ ვფიქრობ, მთავარია ჩვენ გავიმარჯვოთ." _ განაცხადა გერმანელმა სპეციალისტმა.
შეგახსენებთ, რომ გერმანიის და აშშ-ის დაპირისპირება 26 ივნისს, თბილისის დროით 20:00 საათზე დაიწყება.