ურუგვაის ეროვნული ნაკრების ლიდერი ლუის სუარესი იმედს გამოთქვამს, რომ მისი გუნდი იტალიელებთან არსებულ უპირატესობას გამოიყენებს და 3 ქულას აიღებს.
მსოფლიოს ჩემპიონატის ჯგუფური ეტაპის ბოლო ტურში, იტალია და ურუგვაი ერთმანეთს ხვდებიან. მომდევნო ეტაპზე გასასვლელად ურუგვაელებს მოგება ჭირდებათ, ხოლო იტალიელებს ქულაც ჰყოფნით.
“იტალიელები, სიცხის გამო, დაღლილები უნდა იყვნენ. იმედი მაქვს, ამით ვისარგებლებთ.
ჩვენი მიზანი თავისუფალი სივრცეების გამოყენებაა. როდესაც იტალიას ბურთი აქვს, შესანიშნავი გუნდი ხდება. იტალიელები ცენტრში ძალიან ძლიერები არიან, მაგრამ მიმაჩნია, რომ მეტოქის მიერ შექმნილი ბარიერების დაძლევა შეგვიძლია. ჩვენი გუნდის რამდენიმე წევრს იტალიაში უთამაშია და ისინი ამბობენ, რომ მეტოქის დასჯა შეგვიძლია.” – ციტირებს სუარესის სიტყვებსFootball Italia.