ჰოლანდიის ეროვნულმა ნაკრებმა ჩილე ანგარიშით 2:0 დაამარცხა და B ჯგუფში პირველი ადგილი დაიკავა. ვან გაალის შეგირდებს პირველობისთვის ფრეც აძლევდათ ხელს. მატჩის შემდეგ, ჰოლანდიელი სპეციალისტი დაცვითი ფეხბურთის თამაშისთვის გააკრიტიკეს. ვან გაალმა აღნიშნა, რომ მისი მიზანი მხოლოდ მოგებაა.
"თქვენ მეუბნებით, ახსნა-განმარტებები გავაკეთო თავდასხმაზე, კარგი კითხვაა. ჩვენ ვითამაშეთ ჩვენი სიძლიერის მიხედვით და მოვიგეთ. ჩემმა არჩეულმა ტაქტიკამ მოგვაგებინა. შეიძლება, ბევრს არ ვუტევდით და ლაღი ფეხბურთი არ გამოგვივიდა, მაგრამ ძალიან კრეატიულები ვიყავით. არც მინდოდა მეტოქეს თავზე დავჯდომოდით, ვათამაშე გუნდი ისე, როგორც "ალკმაარი" და მაშინ ერედივიზიონიც მოვიგე. მარტო კრიტიკა არ შეიძლება. ჩვენ მიზანია მეტოქეზე ერთი გოლით მეტი გავიტანოთ და მთავარი შედეგია" _ განაცხადა ვან გაალმა.
შეგახსენებთ, რომ "მფრინავი ჰოლანდიელების" მომავალი მეტოქე მერვედფინალში, მექსიკის ეროვნული ნაკრები იქნება. შეხვედრა 29 ივნისს, თბილისის დროით 20:00 საათზე დაიწყება.