ბრაზილიის ეროვნული ნაკრების მთავარი მწვრთნელი ლუიშ ფელიპე სკოლარი, კამერუნის 4:1 დამარცხების შემდეგ, პრესკონფერენციაზე ნეიმარის ფაქტორსა და მომავალ მეტოქეზეც ისაუბრა. პირველ მერვედფინალურ დაპირისპირებას ბრაზილიისა და ჩილეს ეროვნული ნაკრებები გახსნიან.
"კარგი მატჩი გამოგვივიდა და შედეგით კმაყოფილი ვარ. ჩემ გუნდში განსხვავებული სტილის ფეხბურთელები არიან, რომლებიც თავიანთ კლუბებში დიდ პატივისცემას იმსახურებენ. ბრაზილია ნეიმარზეა დამოკიდებული, ისევე როგორც არგენტინა მესიზე. ნეიმარს მესის მსგავსად მატჩის ბედის გადაწყვეტა შეუძლია. რაც შეხება მომავალ მეტოქეს, ბევრი ფიქრობდა ჩილე ჯგუფიდან ვერ გავიდოდა, მაგრამ მე არ გამკვირვებია. კარგი გუნდი ჰყავთ. მეტოქის შეცვლის საშუალება, რომ მომცენ ჩილესთან შეხვედრას თავიდან ავიცელდი. ყოველთვის რთულია, სამხრეთ ამერიკელ მოწინააღმდეგესთან. ჩილეს ძალიან ორგანიზებული გუნდი ჰყავს", - განაცხადა "სელესაოს" თავკაცმა.
შეგახსენებთ, რომ კამერუნის წინააღმდეგ ნეიმარმა დუბლი შეასრულა და მატჩის საუკეთესო ფეხბურთელი მუნდიალზე, უკვე მეორედ გახდა. პირველ მერვედფინალურ მატჩში სამხრეთ ამერიკული დაპირისპირება გველოდება. 28 ივნის შეხვედრა თბილისის დროით 20:00 საათზე დაიწყება.