მექსიკის ეროვნულმა ნაკრებმა ხორვატიის დამარცხების შემდეგ (3:1), მერვედფინალის საგზური გაინაღდა და გულშემატკივრების გახარებას ჰოლანდიის წინააღმდეგ შეეცდება. გემახსოვრებათ, მექსიკის ეროვნული ნაკრების მთავარი მწვრთნელის ემოციური კადრები, თუ როგორ აღნიშნავდა გამარჯვებას. მატჩისშემდგომ პრესკონფერენციაზე მიგელ ერერა ემოციებს ვერ მალავდა.
"ძალიან გახარებული ვარ, ჩემ ცხოვრებაში ერთ-ერთი ყველაზე უბედნიერესი დღეა. ძალიან მძიმე მატჩი გამოვიდა და ჩემი გუნდი ისე თამაშობდა, თითქოს მექსიკაში ვყოფილიყავით. ამაღამ გამარჯვებას აღვნიშნავთ, ხვალიდან კი ჰოლანდიის წინააღმდეგ შეხვედრაზე დავიწყებთ ფიქრს", - განაცხადა მექსიკელთა თავკაცმა.
მიგელ ერერას გუნდს შემდგომ ეტაპზე გასასვლელად ფრეც ჰყოფნიდა. განვლილი შეხვედრის საუკეთესო ფეხბურთელი რაფაელ მარკესი გახდა. "ბარსელონას" ყოფილმა მცველმა 72-ე წუთზე მექსიკის გამარჯვებას საფუძველი ჩაუყარა, ხოლო 82-ე წუთზე ჩიჩარიტომ მისი გადაცემით ანგარიში 3:0 გახადა.