მექსიკის ეროვნული ნაკრების კაპიტანი რაფაელ მარკესი, ხორვატიის წინააღმდეგ მოგებული შეხვედრის შემდეგ (3:1), მატჩის საუკეთესო ფეხბურთელად დაასახელეს. 35 წლის ცენტრალურმა მცველმა მექსიკელთა გამარჯვებაში დიდი წვლილი შეიტანა - მის ანგარიშზე გოლი და საგოლე გადაცემაა.
მატჩის შემდეგ "ბარსელონას" ყოფილმა ფეხბურთელმა განაცხადა, რომ ჰოლანდიასთან დაპირისპირებაში მექსიკელები გასამარჯვებლად ითამაშებენ.
"მიმდინარე მუნდიალზე ჩვენი ასპარეზობით კმაყოფილი ვარ. ჩემმა თანაგუნდელებმა ყველაფერი გააკეთეს, რათა წარმატებულად გვეასპარეზა. მერვედფინალში ჰოლანდიასთან დაპირისპირება გველოდება. მექსიკამ ჯგუფში თავისი სიძლიერე დაამტკიცა და ახალი გამარჯვებისთვის მოვემზადებით," - განაცხადა მარკესმა.