სტადიონ “მარაკანაზე”, მსოფლიო საფეხბურთო ჩემპიონატის ჯგუფურ ეტაპზე საფრანგეთსა და ეკვადორს შორის 25 ივნისს გასამართი მატჩის წინა დღეს, ოფიციალურად პრესკონფერენციას პირველი სამხრეთამერიკელთა მთავარი მწვრთნელი რეინალდო რუედა გამართავს.
ბრაზილიის დროით 15 საათზე “მარაკანას” საპრესკონფერენციო დარბაზში რუედა მასმედიას გუნდის მცველ ფრიკსონ ერასოსთან ერთად შეხვდება. პრესკონფერენციის შემდეგ, ეკვადორელები სტადიონ “ესტადიო საო ჟანუარიოზე” ივარჯიშებენ.
საფრანგეთი ნაკრები მატჩისწინა წვრთნას 17:45 საათზე სტადიონ “ესტადიო ოლიმპიკო ჟოაო აველანჟზე” ჩაატარებს. 19:30 საათზე გუნდის მთავარი მწვრთნელი დიდიე დეშამი და კაპიტანი უგო ლიორისი “მარაკანაზე” პრესკონფერენციას გამართავენ.
აღსანიშნავია, რომ აქამდე არ ყოფილი შემთხვევა რომელიმე გუნდს თამაშამდე ერთი დღით ადრე “მარაკანაზე” არ ევარჯიშოს. 25 ივნისს საფრანგეთი-ეკვადორის მატჩი ბრაზილიის დროით 17 საათზე დაიწყება.

ლაშა თაბაგარი worldsport.ge-ს სპეციალური კორესპონდენტი რიო დე ჟანეიროდან